មុខសញ្ញាគ្រឿងញៀន២នាក់ ត្រូវនគរបាលស្រុកព្រៃនប់ បង្ក្រាបបាននៅជាងពាក់កណ្តាលអធ្រាត្រ នៅកោះខ្យង
01-February-2019 | ដោយ ពលមនសិការ
ព្រះសីហនុ៖ លោកវរសេនីយ៍ទោហួ យ៉ៃ អធិការនគរបាល ស្រុកព្រៃនប់ បានឲ្យដឹងថាៈ នៅវេលាម៉ោង០នឹង២០នាទីរំលងអធ្រាត្រឈានចូល ថ្ងៃទី១ ខែកុម្ភៈ ឆ្នាំ២០១៩ ថ្មីៗនេះ កម្លាំងជំនាញ នគរបាលស្រុកព្រៃនប់ បានបង្ក្រាបបទល្មើសគ្រឿងញៀន មួយករណី នៅផ្លូវបេតុង ស្ថិតក្នុងភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ។
លោកអធិការបន្តថាក្នុងប្រតិបត្តិការខាងលើកម្លាំងជំនាញឃាត់ខ្លួនជនសង្ស៧យ២នាក់រួមមានៈទី១-ឈ្មោះ តូង ជៀន ភេទប្រុស អាយុ៣០ឆ្នាំ មានទីលំនៅភូមិកោះខ្យងឃុំអូរជ្រៅ ស្រុកព្រៃនប់ ខេត្តព្រះសីហនុ និងទី២-ឈ្មោះស៊ើង សឹង ភេទប្រុស អាយុ១៨ឆ្នាំ មានទីលំនៅភូមិកោះខ្យង ឃុំអូរជ្រៅ ស្រុកព្រៃនប់ ខេត្តព្រះសីហនុ។
ដកហូតវត្ថុតាងរួមមាន៖ម្សៅក្រាមសថ្លាសង្ស័យជាសារធាតុញៀន ចំនួន១៤កញ្ចប់ (ធំ៤កញ្ចប់ និង តូច១០កញ្ចប់) និងទូរស័ព្ទចំនួន២គ្រឿង។ បច្ចុប្បន្នកម្លាំងជំនាញកំពុងកសាងសំណុំរឿងចាត់ការតាមនីតិវិធី ៕
ចំនួនអ្នកទស្សនា
- ថ្ងៃនេះ5561
- ម្សិលមិញ11441
- សប្តាហ៍នេះ35391
- ខែនេះ150541
- ឆ្នាំនេះ150541
- សរុប20592997